Luik 14 - Guid Wittins frae Doctèr Luik

“Daes tha Laa alloo ye tae heal fowk on tha Sabbath day, or no?”

“Jist say, yin o yis haed a cuddie^f or a coo that fell ïntil a bïg sheuch, wud ye no gae an pu ït oot strecht aff, Sabbath day or no?”

⁸“Whaniver ye get an ïnvite tae a waddin, dïnnae be settin yersel doon at tha tap table, for anither bodie mair impoartin nor yersel micht be cumin tae ït. ⁹Sae then tha yin that axt baith o yis tae tha waddin wud hae tae say tae ye, ‘Wull ye gie thïs man yer sait?’ Ye wudnae know whar tae pit yersel, wud ye? An ye'll hae tae shïft tae tha bak o tha ruim! ¹⁰But whan ye get an ïnvite, gang an sït doon at tha bak, an whan tha yin that ïnvitit ye sees ye, he wull say, ‘Freen, whut ir ye daein awa bak thair? Cum on up here tae tha front!’

Then aa tha ither fowk thair wull see that ye ir somebodie!¹¹Whaiver sets hïssel up as somebodie, tha Loard'll brïng hïm doon. Whaiver taks tha hummel place, wull be gien tha place o honour.”

“Whaniver ye gie a dennèr or a pairtie, dïnnae be caain yer freens, or yer brithers, yer femlie or yer weel-aff nighbers, acause the' wull onlie pye ye bak bi ïnvitin ye ïn return. ¹³But whaniver ye gie a bïg swaree, caa aa tha puir, tha lameters, tha halt an tha blin fowk. ¹⁴The' cannae pye ye bak, but God wull bliss ye an gie ye yer reward whan he raises tha just fowk frae tha deid.”

“Blissit ïs tha yin that wull sït doon tae eat ïn tha Kïngdom o God.”

“Yinst thair wus a man giein a bïg pairtie, an he axt a hale lock o fowk tae ït. ¹⁷An whan tha time for tha bïg pairtie cum roon, he sent hïs sarvin man oot wi tha message, ‘Yer tae cum noo, for iveriethin's readie.’ ¹⁸But the' stairtit yin an aa tae mak excuses. Tha furst yin sayed, ‘A hae jist bocht a bït o lan, an A hae tae gang an luk at ït. A beg ye tae let me aff.’ ¹⁹Anither yin sayed, ‘A hae bocht five yok o kye, an A hae tae gang an try thaim oot. A beg ye tae let me aff.’ ²⁰An anither sayed, ‘Luk, A hae jist got merriet! A cannae cum.’ ”

²¹“Sae,” sayed Jesus, “tha sarvin man cum an gien an accoont o ït tae hïs maistèr. Then tha maistèr o tha hoose wus wile ang'rie, an toul hïs sarvin man, ‘Gang oot quïck ïntae tha raas an tha entries, an brïng ïn tha puir, tha lameters, tha blin an tha halt fowk.’ ²²Later on, tha sarvin man cum bak an sayed, ‘Maistèr, A hae daen as ye bid me, yit thair's stïll ruim for mair.’ ^23-24An tha maistèr toul hïs sarvin man, ‘Gang oot ïntae tha róads an loanins; dïnnae tak “Na” for an answer, mak thaim cum, for A want ma hoose fïllt! An A'll tell yis thïs’, qo he, ‘nane o thaim that wur ïnvitit at tha furst wull iver sup wi me!’ ”

²⁶“If onie man cums tae me, an pits hïs faither or hïs mither, hïs wife or hïs weans, hïs brithers or sïstèrs, ay, or even hïs ain sel afore me, he cannae be ma follaer. ²⁷Whaiver disnae tak up hïs ain cross, an cum eftèr me, cannae be a follaer o mine.

²⁸Jist say yin o yis haes a mine tae big a ture. Wud he no sït doon furst an coont tha coast, tae see ïf he haes eneuch tae finish ït? ²⁹Eftèr he haes püt ïn tha fïttins, ïf he fins he's no able tae finish ït — aa tha fowk roon aboot wull mak fun o hïm, wull the' no? ³⁰The' wull say, ‘Thïs man stairtit tae big, an wusnae able tae fïnish tha jab!’

³¹Or agane, ïf a kïng wus gan tae war wi anither kïng, wud he no sït doon furst an jalouse ïf he wud be able, wi ten thoosan sodgers, tae bate hïm that's cumin agin hïm wi twuntie thoosan? ³²If he fins he's no able, then while hïs enemie ïs a lang róad aff, he'll sen a go-between tae hïm, an ax for terms o peace. ³³Jist ïn tha same wye, whaiver o yis wull no gie up aa ye hae, cannae be ma follaer.

³⁴Saut ïs guid; but ïf ït haes loast ïts sautness, hoo dae ye mak ït saut agane?

³⁵It ïs nether fït for tha lan nor tha midden; fowk jist clod ït oot. Let hïm that haes ears ïn hïs heid tak tent!”