Nikita

Mae dochter’s ca’ed Nikita

An’ she’s nearly thrie yier auld.

She’s naw as quet as mae sinn John —

She can quarely barge an’ scoul.

She luks jist lake a beauty queen,

Wi’ a smile that wud melt tha sna.

She’s a bonny lass; she’s bricht an’ fair,

An’ weel spoilt bae her ma an’ da.

She gets neer a’ she axes fur,

Jist wi’ a smile an that luk

That means ‘A’ll luv ye fur iver —

An’ a ken I’m pushin’ mae luck’.

She’s special tae mae, she’s mae wee doat,

Mair precious nor fortune nor wealth.

A tell her niver tae worry

As lang as she’s blest wi’ guid health.

She kens that her an’ her brither

Will aye bae mae wurl, thir’s nae doot;

An whuniver the motor is stairted

The’r set fur oot an’ aboot.

Sae whitiver time A still hae left

Tae grace this gret big wurl,

Mae weans wull cum afore a’ else —

Mae wee sinn an’ daddy’s girl.