Tha Guid Buik

Tha Guid Wittens o Matthew: Chaiptèr 5

30. Gin yer richt haun gars ye dae ill, cut it aff an buck it oot! Owe ocht better ye loss yin pairt o tha boadie, nor tha haile corps gans til Hell.
31. The aye sez forbye: “Onyboadie at gies tha guidwife a divorce maun gie her a scrievit paiper o divorce.”
32. A’m tellin’ ye noo bot: gif a guidmon gies his guidwife a divorce for ocht ither nor rinnin aff wi anither mon, than he bees in tha wang gif scho aways an gits merriet on anither mon. Tha baith at gits merriet agane is daein adultèrie.
33. Forbye, yis hae heerd tell o tha oul saw “Ye maunnae sweer ocht yersel, bot ye maun mak yer oaths til tha Loard”.
34. A’m tellin ye bot: “Sweer nane ava; no bi Haiven, for it bees tha th’one o God:
35. No bi tha yird; for it bees his fit-creepie: no bi Jerusalem; for thon bis tha citie o tha muckle Käng.
36. Neither shud ye sweer bi yer heid, for ye cannae mak yin hair quhit nor blak.
37. Bot quo nocht barrin, Ay, Ay: Na, Na: ocht mair nor these is cum frae ill.”
38. Yis hae aa heerd tha saw “An ee for an ee, an a tuith for a tuith”:
39. A’m telling ye bot: “Mak nae fecht wi ill: Gin onieboadie gies ye a clash on tha richt-haun side o tha bake, turn tha ither side til him forbye.
40. An gif a body taks ye tae coort, an wins yer jaikit aff ye, gie him yer owrecoat anaa.
41. An gif yin o tha blaa-in sodgers gars ye gie his beg a carrie for yin mile, gie it a carrie for him for twa mile.
42. Quhan a boadie asts somethin o ye, gie it til him; quhan a boadie is lukin tha lenn o somethin, lenn it til him.”
43. Yis hae aa heerd tell the saw, “Lo’e yer billies, hate yer faes”,
44. Noo A’m tellin ye bot: “Lo’e yer faes an mak a prayer for aa them at daes ye doon,
45. Sae as yis can get tae be childer o yer Faither abeen. For he gars tha sin for tae gie licht on ill an guid fowk forbye, and gies rain til aa them as daes guid as til aa them as daes ill.
46. Quhitfor shud God gie yis rewards gin yis lo’e jist thae fowks as lo’e you? Sure tha taix gaitherers wud even dae that!
47. An gif yis taaks til yer billies jist, hae yis daen ocht unco? Even tha pagans daes that!
48. Yis maun be perfit richt — jist like yer Faither abeen is perfit richt!”