Abane tha Hoochin Thrang
Author: (Philip Robinson)
Date: 2004
Source: Ullans: The Magazine for Ulster-Scots, Nummer 9 and 10 Wunter 2004
Philip Robinson (Tune: Welcome Voice)
Abane tha hoochin thrang,
Tha haun o God A see;
It gars tha michtie noise tae quat
An reaches oot tae me.
Chorus:
O that blood-rid haun —
Whit a sicht tae see!
Tha blood that rins, it’s aa His ain;
We nail’t it tae a tree.
Abane, tha haun o God
Tae houl, whan hope’s awa;
A licht tae guide me on life’s road,
An lift me whan A faa.
Abane, tha haun o God
Tae warn me, whan A’m wrang —
A fing’r pointin oot ma fauts,
Tae pu’ me bak ere lang.
Abane, tha haun o God
Tae grup me, strang an true;
A lovin’ wairm an hairtsome touch
That gies forgiveness new.
In Jesus’ apen haun
A fun tha answer pure.
Rax oot an grup it fur yersel,
An haul it firm an sure.