Best Wishes on Yer Birthdeh
Author: Charlie Reynolds
Date: 2004
Source: Ullans: The Magazine for Ulster-Scots, Nummer 9 and 10 Wunter 2004
Tae a Guid freen (Frae Charlie Reynolds: ‘Tha poocher’)
A hae ony kent ye twarthy year,
An A wud lake tae mak it clear
That ye ir lov’d bae yin an’ aa;
O that A hae nae doot ava.
Ye leeved in tha Midisle as a boy,
An brocht yer femilie nocht bit joy.
Thon heaven on earth tae ye wus hame,
An ivery yin tae ye wus tha same.
Ye gien respect tae yer ain fermlan,
An wrocht tha grun wi yer ain guid han.
Ye sa tha beauty in aa God’s creations,
That he bestowed upon aa nations.
Ye love tae tak aboot oul times,
An mak is lach wi aa yer rhymes,
An abane it aa yer aye tha same,
An mak iveryboady feel at hame.
Yer tapes brocht tha oul times aa tae life;
Ye toul it aa, baith glee an strife.
Wi pride ye used yer mither’s tung,
An O what joy tae is ye brung.
Ye’r eichty, Wull, on this speecil deh,
Sae it ony remains fir mae tae sae,
A hope ye’r spared for monies a year,
For ye fill is aa wi mirth an cheer.
